حد يقوللى ايه التفسير
لما الاقى اللمه كتير
واتفاجأ تانى يكون شرير
ايه التفسير
ايه التفسير ان صديقى
يبعد عنى فى نص طريقى
ايه التفسير فى كتر جفاه
هو معاتبه ولا بعد حقيقى
ايه التفسير فى حكاية بلدى
وحبى لناسى وحبى لولدى
ورقدتى طول الليل لوحدى
هى دى حالة حب
ولا دى تفكير
ايه التفسير
ايه التفسير اعلام مغشوش
عالشاشه وش بشوش
فى الاصل ...
ياريت ماتشفهوش
ايه التفسير
دنيا غرورو مليانه بغش
الواحد فيها بمليون وش
وعشان تصحى من دى الصدمة
عايزلك دُش
ايه التفسير لما الاقى
زيطة وزحمة واكل بواقى
ويجى معاد اللمه فى يوم
تعطل فيكى كل سواقى
ايه التفسير يامصر ياغاليه
انتى باهلك فوق وعاليه
ولا نزلتى لسابع ارض
وخلاص مبقتيش مالرمل باينه
ايه التفسير ياقلوب محتارة
انتو معايا ولا سكارى
حاسس انى بنادى فى مالطه
ولا باينلى شاربلى سجارة
جايلك شاقق الشارع شق
جاى يابلدى اسرع م البرق
رفضانى ...؟
عندك حق
ليست هناك تعليقات:
إرسال تعليق