مع الناى

مع الناى

الناى يصفر من بعيد
صوت حزين
عالشجرة بيغرد

كروان حزين
وقفت اسمع منه كل لحن
بص لى وقاللى
انت مين
وليه دموعك مالية العين
رفرف بجناحه لما لاقانى ماشى
وقال لى استنى
بتبكى علشان مين
قاللى احكيلى حالك
فيك ايه وايه جرالك
ايه معزبك
ومغير شكلك وحالك
بصيت فى الارض وفرت دموع عينى
وافتكرت كل اللى راح من سنينى
وازاى هان حبى وحنينى
رفرف جناحه ومسح دمعة عنيا
قولت له سيبها
هى الونيس ليا
قاللى فضفض
طب هتفضفض لمين
قولتله ياطير دبلانه وردك مالبكى
ايه حال اللى اشتكيله جرحى
بتنزف دموعه
اومال اللى اشتكى
واللى انشكى
ياطير ماتقلبش المواجع
خلّى الجرح نايم
وسيبنى كده
فى بحر وهم الفرح عايم
اصل الفرح ده مكتوب
تشوفه قلوب
وتحبه قلوب
وانت ياقلبى من دول فين
صوت الناى عمّال يقطعنى
وفى سوق النخاسة
قلبى الغريب باعنى
سابنى ولاف على حب خاين
سايق دلاله عليا
ومكنش باين
انه خاين