انا مين علمنى اكتب كلام فى الحب
مين علمنى انى اعشق واحب
مين خلانى الف وارجع
وفعلا
الرجل ماطرح ما تحب تدب
مين اللى قال انى بقلب قاسى
انى هجرت اهلى وناسى
وان ترابك يابلدى لونه ناسى
مين اللى علم فيا معنى الحياه
قوليلى ايه غير رضاكى اتمناه
مين اللى حبيته وعشان ودعت اغلى ناس
مين اللى عشانه عيونى دول حراس
يابلدى الود ودى
اعمر اخضر ترابك بيدى
واسيبك بالهمه عاليه
لولد ولدى
انتى العروسه ل 80مليون عريس
البسى فستانك
الليله جاى العريس
خليكى بالتاج فى وسط الكوشه
الكل بيتمنى يكونوا زى المحروسه
مش هطول فى الكلام
وازاى يكفيكى غرام
يام الهرم والسد
حبى ليكى ملوش وصف
ملوش حد
ولو بنو بينك وبينى مليون سد
غرامك فى قلبى
زى نيلك
جزر ومد
ياللى بتحسب فى الدفاتر
تعالى معايا وعد
حبها هوا الدوا للجروح
هو حياة الروح
و النسيم والدوا
هو العشق والهوا
بتعرف تعد
جميلها عليا مايتوصفش
وجمالها عيونى عنه مابتغفلش
وكلامى عنها مابيعبرش
ماتتنرفزش
لسه العدد هيكبر
لماتعرف انى مش اشطر
من اللى قالو فيها شعر
ده فيها طه وزويل
هى نهر النيل
بلد عم نجيب
البنودى والعندليب
انيس وقاسم امين
مين سبقهم مين
بلد محمد وجرجس
بلد اللى حج واللى قدس
ايد فى ايد مابيتفارقوا
واللى الغيظ منا حارقوا
يدور على زيها
ماهيلقى حد
جميل جدا ما قرات ارجو ان تشترك بمنتدى همسات دافئة وان تدعو كل من تعرفهم من هناhttp://hamasatlove.forumegypt.net/act?u=1&ak=d51251a بانتظار ابداعاتكم
ردحذف