ادفع نص العمر
والباقى يفضلك رهن
وامضى شيكات
ووصلات
بس افهم
عمرى هيعملك ايه
هيفيدك
طب فى ايه
او ضاع نص العمر وعدى
ولا مرة فى حتة وهدى
ولا قال هستنى
اشوف جنيت انا ايه
وفضل ماشى
وراح ولا جاشى
وكل لناس ضحكت عليا
وعليه
طب اسميه ايه
كام سنه ضاعت فى التعليم
اقصد فى الترخيم
وشهادتى
ورقه الوان
متعلق بقالها زمان
لا شوفت وظيفه
ولا حتى لجوازى مكان
وايه بالامكان
قالولى اجرى فى توظيف
روحت هناك والشكل مخيف
طوابير طوابير
دورى
كان الاخير
دى حاجه ملهاش تفسير
وكلمة واحد ملاش تانى
فوت علينا بكرة
يمكن تاخد فكرة
او طابورك يصبح ذكرة
حاسيت جوايا انى نكرة
لا اداة تعريف تنفعنى
ولا علم سنين يرفعنى
قررت فى يوم واخذت اجازة
بلاش فلسفه
متقولش لماذا
اصل الدنيا دى استاذه
بتحكم فينا اللى ملوش عازة
واللى ضميرة
واخدله اجازة
او يمكن نايم فى قزازة
ياخى ارحمنا وقول حاجه مفيده
حكام بلادنا
حاجه فريده
قالو خصخصه وخصخصونا
واخدوا اللى فى جيوبنا .. نظفونا
عالحديده .. ياصاحبى خلونا
اتغطوا وعرونا
شبعوا وجوعونا
اسكت
دول اللى بيحكمونا
قالوا نعلمكم وعلمونا
علمونا ازاى تستنى الرغيف ايام
وان يوم جالك
يافرحك
يا اما زلط
بطل غلط
يا اما شئ مش تمام
ينفع ده الكلام
هديلك عمرى
بس انت هتدينى كام
انا عايز فعل
مش كلام
بتضحك عليا
دى مش قصة غرام
مش بحكى قيس وليلى
او عنتر وعبله
انا بحكى باسم شعبك يامصر
اللى عاش يحلم بنصر
يحلم من الرغيف بكسر
همرة مابص لفوق
ولا قال يارب قصر
كل طالب نفس فى علام
ميكنش كراسه واقلام
كل واحد له تمنى
يحققه يامصر فيكى
مش يكون له
يكون يامصر ليكى
قالو عنى انى كلام فى كلام
سالونى كتير
انت لمصر دفعت كام
بقولهم
دفعت عمرى اللى اتسجن
اللى عاش يحلم بوطن
استنى
سايبنى ليه
كلامى لسه مخلصش
وهو الكلام لي مغضوب عليه
دفعت عمرى
طب ادفع تانى ايه
ليست هناك تعليقات:
إرسال تعليق