خلّى السلاح صاحى
هوا مين كان نام
السلاح ولا انا
قولنا الحياه صعبه
شوف من امتى واحنا فى الحياه
وباقى لنا كام سنه
ومين صحى نفسه
قبل سلاحه
فين الفرح ... فين العز والهنا
كلنا ضايعين
ناكرين الجميل
اذا كنت انت .... ولا انا
بهنيك ياشعب خايف
على غير ارض الوطن لايف
بتروح للى فيك بيطعن
ومن هناك تقوللى
دا بيعزنا
وتفوت سنين من عمرك
وتكبر وتشيب
وتنسى اهلك وناسك
ليه
وانتا يوم ماتولدت
اتولدت هنا
الغريب يجى يتحامى فينا
مع انه من بعيد بيطعن فينا
بس الرساله
بتقول بامانه
لو جنحوا للسلم
لازم اجنح انا
فاكر
فاكر ايام زمان
ايام الطفوله والصبا
ايام كانت حارتنا نور
والحلم كان بيعدى
بينا الالف سور
هتقولى الايام دى راحت
هقولك منك
مش منى انا
متغربين
فى دنيا تايهه
احنا الحضارة
من سبعتلاف سنه
احنا التاريخ والاصاله
احنا الشرف والكرامه
احنا فى تلاته وسبعين
قوللى مين كان زينا
دلوقتى توهه
بطون مفتوحه
لو حطيت تراب الارض فيها
ماتتمليش
طب املاها ازاى انا
ياشعب نايم فوق بقى
واتحمل عشانى ولو يوم شقى
العيب دا فيكوا
مش فيا انا
دنا ارض حلوه
ونيلى احلى
متزرعونى
ولا ازرع نفسى انا
ماتعمرونى
ولا اعمر نفسى انا
ماتعلونى ....
هوا انتوا مين
هوا انتو ا مين من غيرى انا
انا اسمى حاضر فى كل مكان
من قديم الزمان
لاخر الزمان
انا اعرفك
بس انت تعرف مين انا ؟
خلى السلاح صاحى
ومن امتى نام السلاح
فعل مفيش
بس الكلاب غاوية النباح
اصل الزمن غير الزمن
والتقصير من عندنا
خلى السلاح صاحى
هوا مين اللى نام
الشعب كله
مش وحدى نمت انا
ليست هناك تعليقات:
إرسال تعليق