نفسى اجيلك
فوق الميه عايم ع الوش
وحالى مالخوف مايتشافش
وشى
مايتعرفش
انا عن نفسى
ايه بيحصلى
انا ... معرفش
بطلت اغش
وريحة المش
من جوة الدار
طالعه النار
عماله بتاكل
وتزيد فى مشاكل
حيلك حيلك
نفسى اجيلك
انور ليلك
واطهر نيلك
واصد بكفى لهيب الشمس
يابكرة وامس
احساس ولمس
ياعصابة تندس
وسط الناس
ومفيش حراس
وحراسك جيش
لازم اعيش
ياشعب مفيش
لادعم بيوصل
ولا حاجه بتحصل
ودم الشهدا
كانه مفيش
**
نفسى اجيلك شايل كفنى
اعدى بحورك اسرع سفنى
وقلبى فى حبك
برة حادفنى
هلف واجيلك
انور ليلك
اطهر نيلك
دا شعبك سيلك
حالف يديلك
دمه بيهديلك
مانتى عروسه لاغلى عريس
بالمتاريس
قفلوا الشارع طفو النور
قولنا ياظالم امشى وغور
والمستور
للناس اهو بان
كنت بشوفك ليه غلبان
ولما قالولى انك تعبان
قولت اجيلك
اصبر حالك
مالنا ومالك
روح بعيالك
سرقه بلدك عار
هربان من تار
واستكبار
استحمار
لما انادى واقولك روح
وانت تقولى بصوت مبحوح
خايف اروح
كلامك كله سذاجه اونطه
والشعب كانه بينادى فى مالطه
امشى يامبارك
اقفل دارك
مبقاش فى قرارك
تبقى رئيس
انا هبقى عريس
لعروستى انا جاى
متقولش ازاى
انا راوى النيل
انا مصرى اصيل
هقول اللى فى نفسى
وهكسر يأسى
وهعلى فى حسى
نفسى اجيلك
انور ليلك
اطهر نيلك
نفسى اجيلك
ليست هناك تعليقات:
إرسال تعليق