عديها

عديها 
مش لازم تمسك فيها 
ومسيرك ترجع تلاقيها 
عديها 

وخلى الايام دى تفوت
ايه الضربة دى 
سامع دا الصوت 
عديها ....
وسيب مراكبنا فى مراسيها 
عقولنا تاهت 
مين هيرسيها 
عديها وقول للكل 
لو فوقنا بادنا هنبنيها
لو فضلنا كده تايهين 
الكل هيلعب بينا وبيها 
اوعى تعديها 
الكلمه السافله 
لازم تمحيها 
ونرجع تانى عاداتنا 
وتقالدنا من تانى نرسيها 
تبت
امسك 
جمد فيها 
عديها ...
عالبر الامن ... عديها 
دى بلادك لازم تحميها 
عديها 
والسفن التايهه نرسيها 
والكلمه امانه لازم تاديها 
اديها 
من وقتك حبه 
من عمرك لحظه 
كبّر ... علم 
اصنع ... ازرع 
ابنى فى اراضيها 
خليها 
تحس بروحك جواها
بتمشى على ارضها 
تحت سماها 
وتسمع صوتك بيغنى 
ايوة بحبها بهواها
سامعه ولادك  بيقولوا ايه 
ايه 
ادى واحد بيقولك فوقى 
لازم مالعز تدوقى 
وبايدى مع كل شبابك 
هتضحكى بكرة وهتروقى 
وخدينى 
تانى فى حضنك دفينى 
انا حالف اقضى كل سنينى 
بين شجرك وورودك 
وناوى احقق كل وعودك 
على ارضك هفضل ماشى 
دى الفرحه 
ابدا متحلاشى 
من غير النور والزينه 
والخضرة فى احلى جنينه 
مالغربه رجعنا وجينا 
تانى لارضك يابلادى 
عديها 
بايدك لازم تبنيها 
والفرحه بكره هنجنيها 
عديها ....