قولت اغنى
قولت انادى
قولت اسمع صوت بلادى
قولت ادندن
على صوت كنيسه
وفجر يدن
قولت ارضك اميل ابوسها
بوست طينك
شوفت عرضك بطول ارضك
عمال بينهش فيه
ديب جعان
الناس سابتله الحبل يمشى
قاله مننا
واللى منّا فينا ماينهشى
اصلك انتى الطيبه منك
ورثاها وراثه
مش غصب عنك
قولت اسافر
ولميت هدومى وقولت اغادر
حسرة علينا
هدوم منين
واحنا على اديهم
كتير اتعرينا
فضلت اصرخ من سنين
قالوا علينا عيال تافهيين
مين اللى تافه مالبدايه
مين اللى ساكت من اول الحكايه
الشباب ولا الصبايا
ولا اللى كانوا من قبلنا ساعة ولايته
رحبوا بيه وقالوا البيه وسعادته
....
امشى
حاضر يافندم همشى
بس صدقنى
قريب راجعلك بصوت من فولاذ
منه والله ماهتلقى ملاز
وشوف مين هيحميك
انا ..........
اول واحد هيانبك
اول واحد هيعذبك
اانا الضمير اللى
موته حضرتك 
ليست هناك تعليقات:
إرسال تعليق