اسمع وشوف ولاد الاصول
اسمع وشوف بيقولوا ايه ولاد الاصول
بيقولوا لازم بكرة نكبر ... نعدى الحدود
لا يهمنا ضرب المدافع او بنى السدود
بيقول حد الامل فينا واصل للسما
واحنا التاريخ والحضارة من جدود الجدود
احنا اللى روينا سينا بدمنا
واحنا اللى فى شهادة ميلادنا مصر امنا
واحنا اللى نفديها بارواحنا
تعلا مصر وتعيش .. ونموت عشانها كلنا
ياللى بتقول تاريخ وحضارة تعالى اسمع
شوف من قديم الازل كام عدوا فى الارض دى كان بيطمع
واحنا عشانها موتنا لاجل ارضها
قولى امتى كان الضرب فى الميت بيوجع
علينا فيها كتير ولسه ياماهنعلى
ياللى بتتحامى فى الغريب ارضك تنادى اتحامى فى ضلى
اوعاك تسيبنى يابن بطنى
انت الامل والامل بس هو اللى فاضلى
بقلمى
هويس مصر
محمد البحيرى
ليست هناك تعليقات:
إرسال تعليق