فلسفة حمار
فلسفة الحمار
عجبي عليك يا كبير الدار
... قومت الدنيا وما قعدتها لما قالولك حمار
ايه يعني إسمى شتيمة ولا جنسي شئ عار
خلقني ربي وخلقك ومحدش بإيدو الإختيار
وأنا مهما زاد الحمل فوقي صابر على المشوار
لا بيوم برفع عيني على جارتي وبصون الجار
ولايوم بطلع على رزق غيري وبطق منوا وبغار
ولامهر ادفع لحمارتي ولاخواتم ولا سوار
ولاشقة اجمع بحقها ولا أجهز الدار
ولامراتى حامل تتوحم عايزة كفيار
ولا بنت تخرج عن طوعي وتجبلي العار
ولا إبن يدمن ويهلوس ويوقع وينهار
عايش بحالي ومتهني ولية إحتار
باكل وبشرب وبنهق ومعنديش أسرار
وعندي إبن آدم يخدمني ليل ونهار
إذا جعت بتشتريلي علف بأغلى الأسعار
وإذا مرضت يعالجني ويدعي الستار
خادم أمين من غير راتب ولا حتى أجار
عرفت يا إبن آدم مين فينا طلع الحمار
هويس
محمد البحيرى
ليست هناك تعليقات:
إرسال تعليق