يا ارض متحنية بدم الشهيد
نفسى فى يوم انزف دمى عليكى
واقدم يامصر ياحبيبتى
روحى مهر ليكى
كل يوم بانتظر مرادى وملهوف
قالوا عنى خايف
ابدا
انا صقر مبيعرفش طريق الخوف
ياارض خضرا والزرع هو خلخالك
مالك دبلانه اوصفيلى حالك
ملايين البشر فى الصباح داعيين
اللى يقول ابسطها
واللى يقول يارزاق ياكريم
واللى بيدعى تعيشى يامصر حرة
واللى بيدعى عنك تزول الغمه
معرفش ليه طول عمرى بدعى انى اكون شهيد
واتولد فى ارضك تانى
وعشانك اموت من جديد
فاكرين ياخلق العظام والقلب الحديد
فاكرين نصر اكتوبر والعبور المجيد
واللى اختزل نصرنا فى ضربته
فينه البعيد
النصر كان للكل مش لسيادتك
جنود عالارض ماشيه وماتت بالزغاريد
كانت بتغنى
تقولى اتحنى يا سينا بدم الشهيد
الغمه عنك راحت ومصر اليوم فى عيد
اتردت كرامه شعب طيب
فى السلم مسلم
فى الحرب اسد ضرغام شديد
مصر ياللى قالت عنك كل الدنيا
انتى هبة النيل
انتى الجو الصافى
انتى احلى ليل
انتى قلب العرب
انتى اصل الطرب
انتى الحضارة والتاريخ من الجدود
احنا اللى علمناهم ازاى يبنوا السدود
واحنا اللى كان اسمنا يرعب كل الكون
كنا الفراعنه
ليه دلوقتى ضعنا
احنا مهد الحضارة والاصول
احنا اللى دافعنا عن كل العرب
لاننا ولاد اصول
يامصر ياللى مهما تنزفى
جسدك صخر عمرة ما يميل
قوامك بشر
ودمك نيل
نهر طويل
لو كل البشر تشرب منه
ماينقص ولا يصبح عليل
يامصر يام الاصول
والفلاحين
دول تاج على الرؤوس متشالين
يام المصانع والمدارس
يام الجوامع والكنائس
يام الازهر والحسين
مين فى جمالك يامصر مين
نزلنا شباب ارض الميدان
وقولنا هنغير وغيرنا
وكنا ايد واحده
ليه دلوقتى اتبعترنا
اصحى
خللى ايدك فى يد اخوك
اللى برة هيخنوك
واللى عاللوك هينزلوك
اللى دخلوك هيطلعوك
واللى قدامك حبيب
بكرة يلعن فى اللى جابوك
ارجع واقول يامصر رغم اللى فات هتعيشى
عاليه ولو اتظلمتى متزعليش
انا لسه واقف وعايش على ترابك
اموت من اى شئ
واعيش لو كنت خدامك
نفسى يامصر احنى ترابك بدمى
نفسى فى جنازتى وانا ماشى
تزغردى يا امى
اه لو تعرفوا طعم حبها فى فمى
والله مايتوصف
ولا تكفيه الاف القصايد منى
ليست هناك تعليقات:
إرسال تعليق