فى بطاقتى الشخصيه

فى بطاقتى الشخصيه

مكتوب فى بطاقتى الشخصيه

انا مصرى  مش صورة

انا نسخه اصليه

جوايا حكاوى بلادى محفورة

من الابنودى امبارح

لغاية القصة الفرعونيه

حفرت فى قلبى اسمك يامصر

صوتك بيعل قبل كل نصر

وساعة النصر

الفرح تبقى ملهاش حصر

مكتوب فى بطاقتى الشخصيه

مهندس او دكتور

مش لاقى شغل بلف وادور

متخرج بقالى سنين

والشغل ...هه قول يامعين

مكتوب فى بطاقتى الشخصيه

مولود من كام وعشرين

ومن يوم ما اتولدت

وبلدى بينهبها الكذابين

ضحكوا علينا من كام سنه

ولما فوقت

قالو الغلط منى انا

يالد موجوع واللى واجعك ناسك

مش هما دول اللى المفروض يبقوا حراسك

والشعب ده

امك وابوك اهلك وناسك

ليه  مع الغريب راسمين دور الطيابه

وعلى اهلكم  عاملين ديابه

والله دحنا غلابه

راضين باللى ميرضاش بيه اى حد

ورفضنا كتير

ماهو غير بلدنا ملناش حد

ليه عملتوا بينا وبينكم

مليون سد وسد

مكتوب فى بطاقتى الشخصيه

مكتوب عليك الغلب يامصرى

بعد مافرحت بعبورى ونصرى

بيحكمك اللى مدنس بخطاه قصرى