كنت ناوى
كنت ناوى لما اغنى مايسمع لحنى إلا قلبك
كنت ناوى لما احلم ماحلمش غير فى حضنك
كنت ناوى احكى القصايد
كان نفسى اكمل عمرى جنبك
اتواعدنا وعلى درب الوعود مشينا
وبنينا المرسى ورسينا
لكن بسرعه وقوام
اتهدت علينا المينا
كنت بتنفس غرامك بين ايديكى
كنت بحلم اكون طفل ليكى
او طفل فيكى
كنت عايش عمرى كله بحلم بلحظة حنانك
كنت حاسب ان مكانى هو مكانك
كنت بتامل لون عيونك حتى فى منامى
كنت شايفك فى غيبتك كانك قدامى
وصحيت من حلمى على كسر جوايا
وسؤال محيرنى
ليه الهنا مش عاش ويايا
قالوا انسى وابتسم ولسه الحياه قدام
وازرع فى قلبك شجر تانى يطرح قوام
واخلع جزور الحزن وانساها
وسيبك من ده الكلام
هو اول عشق ليا عايزنى ليه انساه
مش هو اللى حلمت فى شبابى ان اعيش معاه
واللى فضلت اصلى ليل نهار وادعى ربى انى القاه
واللى لما اتحقق مرادى ولاقيت اللى بتمناه
اخده منى تانى اللى ايداهولى والحزن قطعنى
اااااااااااااااه لو تعرفوا قد ايه كان غلاه
كانت حياتى معاه يادوب ايام
معرفش ليه عدت ثوانى وفاتوا قوام
كنت ناوى الف الدنيا بين ايديه
ماهو كان التراب يبقى دهب فى نظرة عينيه
مفيش مرة اشتكى من قسوتى ولا قال انت قاسى
كان كل كلامه ليا (( انت عزوتى اهلى وناسى ))
عايزين اللى حبنى وعطانى عمرة
اصبحلوا ناسى
ارقدى فى مكانك وابدا ماتخافى
القلب اللى حبك عمرة ماهيبقى ليكى جافى
ومكان لحد غيرك فى قلبى والله مافى
كنت ناوى اول ماشوفك فى رجعتى احضنك بين ايديا
وتحكيلى على اللى شوفتيه واللى شافته فى بعدك عنيا
ولما رجعت يومها وقالولى الخبر
مات النور جوه عنيا
كنت عايز اقولك كلام كتير
بس سامحينى
الدموع نازله كتير
الى الابد
ستظلين عشقى
ليست هناك تعليقات:
إرسال تعليق